Ռուսաստանը կշարունակի անհրաժեշտ օգնություն ցուցաբերել Ադրբեջանին և Հայաստանին՝ խաղաղության հասնելու, Հարավային Կովկասում կայունություն և բարգավաճում ապահովելու համար, լրագրողներին ասել է ՌԴ ԱԳՆ պաշտոնական ներկայացուցիչ Մարիա Զախարովան։
Զախարովայի խոսքով՝ «խաղաղության պայմանագրի նախապատրաստման հարցում սերտ համակարգում է իրականացվում ադրբեջանցի և հայ գործընկերների հետ»։
Զախարովան հավելել է. «Մեր երկրի ակտիվ մասնակցությամբ հետևողական գործողություններ են իրականացվում այս երկու երկրների ժողովուրդների միջև վստահության ամրապնդման ուղղությամբ՝ հասարակության անդամների, փորձագիտական շրջանակների և խորհրդարանականների միջև երկխոսություն զարգացնելու առումով»։