Նիգերիայում նվազագույնը 15 մարդ է մահացել քրիստոնեական եկեղեցում տեղի ունեցած հրաձգության հետևանքով,- հաղորդում են երկրի իշխանությունները:
Արտակարգ դեպքը տեղի է ունեցել Օկենե քաղաքի ծայրամասում. զինված անձինք կրակ են բացել եկեղեցու այցելուների ուղղությամբ:
Դեռևս հայտնի չէ` ով է կանգնած զինված հարձակման ետևում. խմբավորումներից ոչ մեկն իր վրա չի վերցրել պատասխանատվությունը:
Նախորդ զինված հարձակումը` կրկին քրիստոնեական եկեղեցու վրա, կազմակերպել էին ''Բոկո Հարամ'' խմբավորման անդամները, ովքեր ուզում են հասնել Նիգերիայում շարիաթի ընդունմանը: