Եվրո-2020-ի եզրափակչում Իտալիայի հավաքականը հաղթեց Անգլիային։ Ինչպես հաղորդում է Calciomercato-ն, Իտալիայի ֆուտբոլի ֆեդերացիան հայտարարել է ազգային թիմի ֆուտբոլիստների պարգևավճարի չափը:
Իտալիայի հավաքականի յուրաքանչյուր խաղացող Եվրոպայի առաջնությունում հաղթելու համար կստանա 250 000 եվրո։ Եթե իտալացիները եզրափակչում պարտվեին անգլիացիներին, ապա կստանային 200 000-ական եվրո։
Հիշեցնենք, որ Իտալիայի հավաքականը պատմության մեջ 2-րդ անգամ է հաղթել Եվրո-ում։ Ավելի վաղ նրանք հաղթել էին 1968 թվականին՝ եզրափակչում հաղթանակ տանելով Հարավսլավիայի հավաքականի նկատմամբ։