Գերմանիայի կանցլեր Անգելա Մերկելը հուլիսի 14-16-ը ԱՄՆ կատարելիք այցի ընթացքում Ջոնս Հոփքինսի համալսարանի պատվավոր դոկտորի աստիճան կստանա: Այս մասին Բեռլինում կայացած ճեպազրույցի ժամանակ հայտարարել է Գերմանիայի նախարարների կաբինետի պաշտոնական ներկայացուցիչ Շտեֆեն Զայբերտը:
«Կանցլերը Վաշինգթոնում արարողության ժամանակ Ջոնս Հոփքինսի համալսարանի պատվավոր դոկտորի կոչում կստանա»,-ասել է նա՝ հավելելով, որ դա կլինի Մերկելի 18-րդ գիտական աստիճանը:
Հուլիսի 15-ին Վաշինգթոնում ԱՄՆ նախագահ Ջո Բայդենի հետ բանակցություններից և համատեղ մամուլի ասուլիսից հետո, ամերիկյան կողմը ընթրիք կկազմակերպի Մերկելի և նրա ամուսնու՝ Յոահիմ Զաուերի համար: