«Փաշինյանի ասածի տակ որևէ հիմք չկա։ Գերիները պետք է վերադառնան անհապաղ»,- այս մասին հարցազրույցում հայտարարել է ԱԺ փոխխոսնակ Լենա Նազարյանը՝ ի պատասխան հարցին, թե Նիկոլ Փաշինյանի նշած՝ գերիների մեկ-երկու ամիս սպասելը պայմանական ասված ժամկե՞տ է, թե՞ դրա տակ ինչ-որ հիմք կա։
Լենա Նազարյանը համարում է, որ հայ հանրությունը ավելի շատ Ադրբեջանին պետք է գերիներին վերադարձնելու պահանջով դիմի։
Հարցին, թե ՀՀ իշխանություններին թողած Ադրբեջանի՞ց պահանջի հանրությունը, Նազարյանը պատասխանեց․ «Մե՞նք ենք պատանդ պահել, մենք էլ ենք ձեզ հետ պահանջում»։
Ճշտող հարցին ի պատասխան, թե ինչպես պիտի հանրությունը Ադրբեջանից պահանջի, Նազարյանը պատասխանեց․ «Դուք էլ ունեք խոսք ասելու հնարավորություն»։