«Ադրբեջանական իշխանություններն ապօրինաբար թաքցնում են գերիների իրական թիվը»,- այսօր իր տարեկան զեկույցում հայտարարեց ՄԻՊ Արման Թաթոյանը։
«Նրանք սկզբում օգտվում էին առիթից, որ 2020 թվականի նոյեմբերի 9-ի եռակողմ հայտարարության 8-րդ կետում առկա չէ վերադարձի ժամկետ։ Հետագայում շահարկմամբ սկսեցին փոխել սեփական մարտավարությունը և գերիներին սկսեցին ներկայացնել որպես ահաբեկիչներ»,- նշեց ՄԻՊ-ը։
Թաթոյանն ընդգծեց, որ Ադրբեջանում ապօրինաբար պահվող հայկական կողմի քաղաքացիական անձինք ու զինծառայողները կարգավիճակով գերի են, այն հիմնարար պատճառով, որ Արցախում դեռևս առկա է ընթացիկ, չավարտված զինված հակամարտություն։