ՀՀ արտգործնախարար Արա Այվազյանը և նրա ռուս գործընկեր Սերգեյ Լավրովն այսօր բանակցություններ կվարեն ՀՀ ԱԳ նախարարի՝ Մոսկվա կատարած կարճատև աշխատանքային այցի շրջանակներում:
Ինչպես սպասվում է, հանդիպման ընթացքում կքննարկվի Ռուսաստանի, Հայաստանի և Ադրբեջանի ղեկավարների՝ 2020 թվականի նոյեմբերի 9-ի և 2021 թվականի հունվարի 11-ի հայտարարությունների իրականացումը՝ շեշտը դնելով հումանիտար աջակցության ցուցաբերման, ենթակառուցվածքների վերականգնման և Անդրկովկասում տրանսպորտային հաղորդակցությունների ապաշրջափակման վրա: Կողմերը կհստակեցնեն ԵԱՀԿ Մինսկի խմբի համանախագահների գործունեության համատեքստում աշխատանքային ծրագրերը։
Լավրովն ու Այվազյանը կքննարկեն նաև երկկողմ, տարածաշրջանային և միջազգային օրակարգի այլ հարցեր: Զրույցը տեղի կունենա մամուլի համար փակ ձևաչափով։