«Շփոթ չառաջացնելու համար հստակեցնեմ, որ «անջատում հանուն փրկության» գաղափարը, որ հնչեցվել է վարչապետի կողմից, նույնն է, ինչ որ ինքնորոշման իրավունքը, ուղղակի ինքնորոշման իրավունքի իրականացման ծայրաստիճան եղանակն է։ Չեմ կարծում, որ այդ թեզը հնչեցնելը ժխտում է այն հանգամանքը, որ անջատումը վաղուց տեղի է ունեցել։ Ընդ որում, անջատումը տեղի է ունեցել Խորհրդային Միությունից․ փաստ, որ երբեք Լեռնային Ղարաբաղը չի եղել անկախ Ադրբեջանի կազմում։ Դա շատ կարևոր արձանագրում է»,- այս մասին այսօրվա ասուլիսում հայտարարեց ՄԻԵԴ-ում ՀՀ ներկայացուցիչ Եղիշե Կիրակոսյանը։
