Այսօր տեղի ունեցած ճեպազրույցում լրագրողները հարց ուղղեցին Գետաշենի, Շահումյանի շրջաններում առաջխաղացման հետ կապված համացանցում տարածված լուրերի վերաբերյալ, ինչին ի պատասխան ՀՀ ՊՆ ներկայացուցիչ Արծրուն Հովհաննիսյանն ասաց. «Այս պահին նպատակահարմար չէ մեկնաբանել կոնկրետ ուղղություններով կոնկրետ գործողությունները, հատկապես որոնք վերաբերում են մեր զինված ուժերի հաջողություններին, առաջընթացներին: Եկեք մարտական գործողությունների ակտիվ փուլի ընթացքում կոնկրետ բնագծեր, բնակավայրեր չշեշտենք: Դա այնքան էլ ճիշտ չի»: