Կրեմլը հաստատել է Բելառուսի նախագահ Ալեքսանդր Լուկաշենկոյի՝ սեպտեմբերի 14-ի այցը Ռուսաստան։
Բելառուսի նախագահը հայտարարել է, որ Պուտինի հետ հանդիպմանը մտադիր է պարզաբանել երկու երկրների միջև հարաբերություններին վերաբերող հարցեր:
«Այո՛, Լուկաշենկոյի այցն իսկապես տեղի կունենա սեպտեմբերի 14-ին։ Աշխատանքային այց կլինի, նա կհանդիպի նախագահ Պուտինի հետ»,- ասել է Ռուսաստանի նախագահի մամուլի քարտուղար Դմիտրի Պեսկովը։
Հարցին, թե նախատեսվո՞ւմ է արդյոք փաստաթղթերի ստորագրում, Պեսկովը պատասխանել է՝ «ոչ»: Ինչ վերաբերում է մամուլի համար նախատեսված հայտարարություններին, Կրեմլի ներկայացուցիչն ասել է՝ «կփորձենք դա կազմակերպել»: