Գերմանիայի կանցլեր Անգելա Մերկելը հայտնել է, որ, չնայած կարանտինին, նա շարունակում է աշխատել տեսակապի միջոցով, սակայն կարոտում է գործընկերների հետ անձնական հանդիպումներին, գրում է ТАСС-ը։
Մարտի 22-ից Գերմանիայի կանցլեր Անգելա Մերկելն ինքնամեկուսացվել էր, քանի որ շփվել էր բժշկի հետ, ում մոտ հայտնաբերվել էր կորոնավիրուս:
Մերկելն արդեն երկու թեստ է հանձնել, որոնց պատասխանները բացասական են եղել:
Գերմանիայում վարակակիր է մոտ 29 000 մարդ, մահացել է 123-ը: