Սիրիական պետական հեռուստատեսության փոխանցմամբ՝ Հոմսի նահանգում Սիրիայի կառավարական ուժերին պատկանող T4 ավիաբազան հարձակման է ենթարկվել:
Տեղեկություններ կան ավիաբազայի տարածքում խոցված հրթիռների և ԱԹՍ-ների մասին:
Սակայն դեռ հայտնի չէ, թե ովքեր են փորձել հրթիռակոծել այս օբյեկտը:
Վերջին տարիներին սիրիական ռազմական հենակետերի վրա նման հարձակումները, որպես կանոն, Իսրայելի կողմից են իրականացվում: Նման դեպքերում թիրախները սովորաբար իրանական ռազմական խորհրդատուներն են կամ Դամասկոսի կողմից պայքարող շիական «Հեզբոլլահ» շարժման մարտիկները: