Խնդրում ենք սպասել...
Այսօր`  հինգշաբթի, 21 նոյեմբերի, 2019 թ.
Հրատապ լուրեր

Միջազգային

Քրդերը համաձայնություն են կնքել Սիրիայի կառավարական ուժերի հետ. ծրագրվում է ազատագրել նաև Աֆրինը

01:00, երկուշաբթի, 14 հոկտեմբերի, 2019 թ.
Քրդերը համաձայնություն են կնքել Սիրիայի կառավարական ուժերի հետ. ծրագրվում է ազատագրել նաև Աֆրինը

Սիրիական իշխանության և քրդական SDF զինված խմբավորման ներկայացուցիչները բանակցություններ են վարել ռուսական Հմեյմիմ ավիաբազայում: Այս մասին հայտնում է Reuters-ը: Նրանք քննարկել են այն միջոցները, որոնք հնարավորություն կտան վերջ դնել Թուրքիայի կողմից իրականացվող օպերացիային: Հնարավոր է, որ քրդերի ու սիրիական կառավարության միջև բանակցությունները հետագայում տեղափոխվեն Դամասկոս: Ըստ որոշ տեղեկությունների՝ այս բանակցությունների ընթացքում որոշում է կայացվել նաև ազատագրել Աֆրինը:

Ավելի վաղ Պենտագոնի ղեկավար Մարք Էսփերը CBS-ին տված հարցազրույցում հայտարարել է, որ քրդերը, ցանկանալով ապահովել իրենց անվտանգությունը թուրքական հարձակումներից, պատրաստ են բանակցությունների մեջ մտնելու Սիրիայի ու Ռուսաստանի հետ:

Քրդագետ, թուրքագետ Կարեն Հովհաննիսյանն էլ տեղեկացնում է. «Հյուսիսային և արևելյան Սիրիայի ինքնավար վարչակազմը հայտարարել է Սիրիայի նախագահ Բաշար Ասադի կառավարության հետ համաձայնագրի ստորագման մասին, որի մասին հայտարարվել է այսօր երեկոյան:
     Համաձայնագրում մասնավորապես ասվում է.

«Այս գրոհին հակազդելու և կանխելու համար սիրիական կառավարության հետ համաձայնություն է ձեռք բերվել, որպեսզի սիրիական բանակը մուտք գործի և տեղակայվի սիրիական-թուրքական սահմանի ողջ երկայնքով»:
     Ըստ համաձայնագրի SDF-ն և Սիրիայի կառավարական ուժերը գործում են համատեղ, և 2018թ.-ից Թուրքիայի կողմից գրաված Աֆրինը ևս ազատագրում են»:

| | |
13066 | 0
Facebook
COMMENT.am