Խնդրում ենք սպասել...
Այսօր`  ուրբաթ, 20 սեպտեմբերի, 2019 թ.

Միջազգային

Նեթանյահուն հայտարարել է Գազայի հատվածում լայնամասշտաբ գործողություններ իրականացնելու հնարավորության մասին

16:50, հինգշաբթի, 12 սեպտեմբերի, 2019 թ.
Նեթանյահուն հայտարարել է Գազայի հատվածում լայնամասշտաբ գործողություններ իրականացնելու հնարավորության մասին

Իսրայելի վարչապետ Բենյամին Նեթանյահուն, իսրայելական 13-րդ հեռուստաալիքին տված հարցազրույցում, հայտարարել է, որ իսրայելցի զինվորականները, ամենայն հավանականությամբ, Գազայի հատվածում լայնամասշտաբ գործողություններ են իրականացնելու, սակայն միաժամանակ հորդորել է չշտապեցնել իրադարձությունները:
     «Թվում է, թե մենք այլ ելք չունենք, քան լայնամասշտաբ գործողություններ սկսելը Գազայի հատվածում», հայտարարել է Նեթանյահուն՝ նախքան Սոչի մեկնելը:

Սակայն նա նաև նշել է, որ ակնկալում է «Համաս» շարժման դիրքերը թուլացնելու հնարավորությունը:

Նախօրեին իսրայելական օդուժը հարվածներ է հասցրել Գազայի հատվածին, երբ հրթիռներ են արձակվել Գազայի հատվածից դեպի Իսրայել:

Ըստ իսրայելցի զինվորականների՝ Գազայի հատվածից հրթիռակոծման գոտում են գտնվել գրեթե կես միլիոն մարդ, այդ թվում՝ Նեթանյահուն, ով ստիպված է եղել լքել ամբիոնն իր կողմնակիցների հետ հանդիպման ժամանակ: Նեթանյահուն չի տուժել, և մի քանի րոպե անց շարունակել է իր ելույթը:

| | |
1376 | 0
Facebook
COMMENT.am