Խնդրում ենք սպասել...

Միջազգային

Եգիպտացորենի դաշտում վայրէջք կատարած ինքնաթիռը սկսել են մասնատել

15:10, շաբաթ, 24 օգոստոսի, 2019 թ.
Եգիպտացորենի դաշտում վայրէջք կատարած ինքնաթիռը սկսել են մասնատել

«Ուրալյան ավիաուղիներ» ավիաընկերության Airbus A321 օդանավը, որը վթարային վայրէջք էր կատարել Մերձմոսկովյան շրջանում եգիպտացորենի դաշտում, սկսել են մասնատել ու դուրս բերել եգիպտացորենի դաշտից։ Այս մասին գրում է BBC-ին։

Ավիաընկերությունը որոշում է կայացրել, որ օդանավը չի կարող վերականգնվել: Այն մասնատվում է հիդրավլիկ մկրատով, որպեսզի մասերը ենթարկվեն վերամշակման:
     «Ուրալյան ավիաընկերությանը» պատկանող A321 ուղևորատար ինքնաթիռն օդ բարձրանալուց հետո կոշտ վայրէջք է կատարել Մոսկվայի մերձակայքում գտնվող Ժուկովսկի ծայրամասում Ռիբինսկոյե գյուղի մոտ: Հայտնի է, որ Սիմֆերոպոլ ուղևորվող օդանավի շարժիչը թռիչքից հետո բռնկվել է, երբ ինքնաթիռը բախվել է ճայերի երամի հետ, որոնցից մեկն ընկել է ինքնաթիռի շարժիչի մեջ: Շարժիչն սկսել է այրվել։
     Ինքնաթիռում եղել է 226 ուղևոր, այդ թվում 6 երեխա, և անձնակազմի 7 անդամ։ Օդաչուներին հաջողվել է վայրէջք կատարել բաց դաշտում։ Նրանք տարհանվել են եգիպտացորենի դաշտից։ Հայտնի է 10 վիրավորի մասին։

ՌԴ նախագահ Վլադիմիր Պուտինը А321 օդանավի օդաչուներին ՌԴ հերոսի կոչում է շնորհել:

8192 | 0
Facebook