Ղրղզստանի նախկին նախագահ Ալմազբեկ Աթամբաևը մեղադրվում է առանձնապես ծանր հանցագործությունների մեջ, այդ թվում՝ հատուկ նշանակության ուժերի սպայի սպանության: Այս մասին Բիշքեկում կայացած մամուլի ասուլիսում հայտարարել է Ղրղզստանի գլխավոր դատախազության ղեկավար Զամիր Բեյշեյկևը:
Կոռուպցիայի մեջ մեղադրվող և անձեռնմխելիությունից զրկված Աթամբաևը ձերբակալվել է օգոստոսի 8-ին՝ Կոյ Տաշ գյուղում գտնվող իր առանձնատանը, գրեթե 24-ժամ տևած հատուկ գործողության ընթացքում:
Ղրղզստանի օրենքների համաձայն՝ տվյալ հոդվածներով Աթամբաևին կարող է ցմահ ազատազրկում սպառնալ: