«Իրազեկ քաղաքացիների միավորում» ՀԿ հիմնադիր, ծրագրերի համակարգող Դանիել Իոաննիսյանը ֆեյսբուքյան իր էջում գրել է. «Ամփոփելով Իջևանի դեպքերի մասին եկող տեղեկատվությունը (այդ թվում` Մարդու իրավունքների պաշտպանից), պետք է արձանագրել, որ.
1. Ոստիկանության ծառայողները պետք է հստակ հրահանգավորվեն, որ քաղաքացուն արգելանքի տակ վերցնելու պահին վերջինիս ամբողջությամբ ներկայացնեն իր կարգավիճակն ու դրանից բխող իրավունքները:
2. Հարկավոր է հստակեցնել, որ արգելանքի վերցնելու ժամը դա փաստացի անձին ազատությունից զրկելու պահն է և ոչ նրա` ոստիկանության շենք մտնելը (բերվելը):
3. Հարկավոր է Հայաստանի քաղաքացիներին հստակ բացատրել խաղաղ և ոչ խաղաղ ցույցերի տարբերությունները, ինչպես նաև հավաքի ժամանակ բռնություն գործադրելու իրավական հետևանքները»: