«Հասկանում եմ՝ ինչ ծանր կարա լինի կորուստը, հատկապես՝ նման հանգամանքներում: Անկեղծ, շատ հուզվեցի և հասկանում եմ մարդկանց վիճռը, որ էս տարիների ընթացքում էդ ամեն ինչը չի բացահայտվել ու, միանշանակ, կիսում եմ էդ մտահոգությունը, էդ ջղայնությունը»,-այսօր նիստի ավարտից հետո՝ լրագրողների հետ զրույցում ասաց սահմանադրական կարգի տապալման մեջ մեղադրվող Ռոբերտ Քոչարյանի կրտսեր որդին՝ Լևոն Քոչարյանը՝ անդրադառնալով այսօր նիստին Մարտի 1-ի զոհերի հարազատների ելույթներին:
Ավելի վաղ հայտնել էինք, որ այսօր Վերաքնիչ քրեական դատարանում ընթացող դատական նիստը հետաձգվեց՝ ծանրաբեռնվածության պարզաբանմամբ: Հաջորդ նիստը կկայանա վաղը: