Ուկրաինայի նախագահ Վլադիմիր Զելենսկին ԱՄՆ-ին կոչ է արել խստացնել Ռուսաստանի դեմ պատժամիջոցները։ Այս մասին հաղորդում է РИА Новости-ն։
Երդմնակալության հանդիսավոր արարողությունից հետո Զելենսկին հանդիպել է Սպիտակ տան ներկայացուցիչների հետ, ովքեր արարողությանը մասնակցելու համար Կիև էին ժամանել:
«Մենք չենք կարող Դոնբասում և Ղրիմում ինքնուրույն հաղթահարել ռուսական ագրեսիան: Ուստի մեզ ձեր օգնությունն է հարկավոր: Կցանկանայի խնդրել ձեզ, որ ԱՄՆ-ն շարունակի խստացնել ՌԴ դեմ պատժամիջոցները»,- ասել է Ուիկրաինայի նախագահը։
Զելենսկին նշել է, որ Վաշինգթոնը շարունակում է մնալ Կիևի գլխավոր գործընկերը «Ռուսաստանի ագրեսիան հաղթահարելու գործում»: