Խնդրում ենք սպասել...
Այսօր`  կիրակի, 22 սեպտեմբերի, 2019 թ.

Միջազգային

Թաեքվոնդոյի Հայաստանի հավաքականը չի կարողացել մեկնել աշխարհի առաջնությանը

13:50, հինգշաբթի, 16 մայիսի, 2019 թ.
Թաեքվոնդոյի Հայաստանի հավաքականը չի կարողացել մեկնել աշխարհի առաջնությանը

Մայիսի 15-ից 19-ն Անգլիայի Մանչեսթր քաղաքում կայանալիք թաեքվոնդոյի աշխարհի առաջնությանը պետք է մասնակցեր նաև Հայաստանի հավաքականը, որը, սակայն, չի կարողացել մեկնել ստուգատեսին՝ ֆեդերացիայում տիրող խառնաշփոթի պատճառով։

Հայաստանի առաջնության ուշ կայանալու արդյունքում ուշ է ձևավորվել նաև Հայաստանի հավաքականի՝ ստուգատեսին մեկնող կազմը։ Արդյունքում ուշացվել են վիզաները և Հայաստանի հավաքականը չի հասցրել մեկնի առաջնությանը։ Հավաքականը վիզաներն ստացել է այսօր՝ մի քանի ժամ առաջ, և ֆիզիկապես չէր հասցնի մեկնել մրցատեղի։

Հայաստանը ստուգատեսին պետք է ներկայացներ 5 մարզիկ՝ Լևոն Գասպարյանը (54 կգ), Ռոման Հայրապետովը (63 կգ), Սերգեյ Վարդազարյանը (68 կգ), Սերգեյ Ավանեսովը (74 կգ) և Արսեն Գրիգորյանը (87 կգ)։

Առաջնությանը կհասցնի մասնակցել միայն 87 կգ քաշային Արսեն Գրիգորյանը, ով առաջնությանը կմեկնի մարզիչ Զորիկ Մեքինյանի գլխավորությամբ։ Մյուս մարզիկների գրանցման և կշռման արարողությունները կայացել են երեկ և այսօր։ Նրանք չէին կարող հասցնել մասնակցել դրանց։

| | |
1387 | 0
Facebook
COMMENT.am