«Պոլիտէկոնոմիա» հետազոտական ինստիտուտի տնօրեն Անդրանիկ Թևանյանը «Կենտրոն» հեռուստաընկերության եթերում, ամփոփելով վերջին մեկ տարվա ընթացքում Հայաստանում տեղի ունեցած փոփոխությունները, ասել է. «Հեղափոխությունը և հեղափոխության առաջնորդը գերի դարձան հին Հայաստանին, սեփական կոմպլեքսներին, վախերին ու վրեժխնդրությանը: Ըստ էության՝ նեղացվեց այն հանրային շերտը, որը կազմում էր այդ Թավշյա հեղափոխության հիմքը: Սկսկեցին ինչ-որ անձնական վենդետաների ճանապարհով գնալ և քանի որ տեսակետ էլ չունեն ապագայի հետ կապված, անընդհատ հետ են նայում»:
Անդրադարձ կատարելով Մարտի 1-ի գործին` Թևանյանը նշել է. «Մարտի 1-ի հետ կապված հետաքննությունը բացարձակապես կապված չէ տասը զոհերի բացահայտման հետ: Ժողովրդական լեզվով ասած` մուռ հանելու պահ կա այստեղ: Կա քաղաքական շատ պրագմատիկ հաշվարկ»: