Իսրայելն ավիահարված է հասցրել Հալեպին․ համացանցում կադրեր են հայտնվել
11:05, հինգշաբթի, 28 մարտի, 2019 թ.
Համացանցում է հայտնվել նախօրեին Հալեպի ուղղությամբ հասցված ավիահարվածների հետևանքների կադրերը, որը, ըստ Սիրիայի հեռուստատեսության, իրականացվել է Իսրայելի օդուժի կողմից: Տեսանյութում երևում են այրվող շենքեր, լսելի են ռումբեր պայթյունների ձայներ: Հալեպի վրա օդային հարվածներն սկսվել են անցած գիշեր․ հաղորդում է РИА Новости-ն։ Ինչպես հայտնել է գործակալության աղբյուրը, հարձակման է ենթարկվել Հալեպի օդանավակայանը, Ջիբրինի հարևանությամբ գտնվող բնակավայրը, ինչպես նաև Շեյխ Նաջարի արդյունաբերական գոտին: Ռմբակոծության հետևանքով քաղաքը կորցրել է լույսը: Հաղորդվում է, որ իսրայելական զինվորականները դեռևս չեն հաստատել իրենց մասնակցությունն ավիահարվածներին: Իսրայելի պաշտպանության ուժերը բազմիցս հարվածներ են հասցրել Սիրիայի թիրախներին: Ըստ ՌԴ փոխարտգործնախարար Սերգեյ Ռյաբկովի, Իսրայելի օդային հարվածներն անօրինական են և անհիմն: