Հետաքրքիր է

Այսօր Պորտուգալիայի ազգային հավաքականի և Թուրինի «Յուվենթուս»-ի հարձակվող Կրիշտիանու Ռոնալդուն նշում է ծննդյան 34-րդ տարեդարձը։ Ռոնալդուն մարզական կարիերան սկսել է «Անդորինյա» ակումբում, որտեղ 2 տարի խաղալուց հետո տեղափոխվել է «Նասիոնալ»։ 1997 թվականին տեղափոխվել է Պորտուգալիայի առաջատար ակումբներից մեկը՝ «Սպորտինգ»։ 2003 թվականին նա գրավել է «Մանչեսթր Յունայթեդ»-ի նախկին գլխավոր մարզիչ Ալեքս Ֆերգյուսոնի ուշադրությունը։ Արդյունքում անգլիական ակումբը Ռոնալդուի համար վճարել է 12 մլն ֆունտ սթերլինգ։ 2009-ին Ռոնալդուն 80 մլն ֆունտ սթերլինգի դիմաց տեղափոխվել է Մադրիդի «Ռեալ»։ 2018-ի հուլիսի 10-ին Ռոնալդուն տեղափոխվեց Թուրինի «Յուվենթուս»։ Նա ակումբի հետ 4 տարվա պայմանագիր է կնքել՝ նախատեսված մինչև 2022-ի հունիսի 30-ը։