«Լուսավոր Հայաստան» խմբակցության պատգամավոր Արման Բաբաջանյանը, ԱԺ արտաքին հարցերի մշտական հանձնաժողովի նախագահի ընտրության հարցի քննարկման ժամանակ անդրադարձավ ՀՀ դիվանագիտական կորպուսում նախորդ ռեժիմի պատճառով ստեղծված իրավիճակին. «Քոչարյան-Օսկանյան տանդեմը ՀՀ արտաքին քաղաքականությունը հետևողականորեն ոչնչացրեց դրա հիմքում դնելով հայտնի կոմպլեմենտարիզմի թեզը՝ ձևախեղելով ՀՀ ինքնիշխանության արտաքին քաղաքական օրակարգը: Նույնը շարունակվեց Սերժ Սարգսյանի պաշտոնավարման օրոք: Մարտի 1-ի ոճրագործությունից հետո ներքին լեգիտիմության զրոյական մակարդակը միայն կարող էր ստիպել ՀՀ-ին ներքաշվել ֆուտբոլային դիվանագիտության կամ հայ-թուրքական արձանագրությունների արկածախնդիր գործընթացի մեջ...»: Բաբաջանյանի խոսքով՝ ՀՀ արտաքին քաղաքականությունն ապականվել է նաև նրա համար, որ տարիներ ի վեր ՀՀ դեսպաններ են նշանակվել կասկածելի կենսագրությամբ և քրեական անցյալով անձինք. «Ամենախնդրահարույց նշանակումներից եղել է, թերևս, Ուկրաինայում ՀՀ դեսպան Անդրանիկ Մանուկյանը, ով, ըստ ուկրաինացի դինավագետների, տարիներ իր վեր զբաղված է եղել Հայաստանի դեսպանատան անվամբ դիվանագիտական պետհամարանիշեր ստանալով ու տեղի հայ քրեականներին վաճառելով կամ նվիրաբերելով: Գանք Վրաստան: Այդ երկրում ՀՀ դեսպանի պաշտոնում Սերժ Սարգսյանը նշանակեց և ու մինչ օրս պաշտոնավարում է ՀՀԿ-ական Գագիկ Բեգլարյանի վաղեմի ընկեր, շունբազ Ռուբեն Սադոյանը»,- ասաց պատգամավորը: