Միջազգային

Հունաստանի Զակինթոս կղզում տեղի ունեցած 6.4 մագնիտուդ ուժգնությամբ երկրաշարժի հետևանքով փլուզվել է XIII դարի եկեղեցին, փոխանցում է Greekreporter-ը: Փրկարարների խոսքով՝ վանքում ապրող միակ վանահայրը չի տուժել:

Կղզում դադարեցվել է էլեկտրամատակարարումը:

Տուժածների մասին տեղեկություններ չկան:

Գիշերը Եվրոպայի միջերկրածովյան սեյսմոլոգիական կենտրոնը հայտնել էր Հունաստանի ափամերձ տարածքում հզոր երկրաշարժի և ցունամիի վտանգի մասին: Ստորգետնյա ցնցումները զգացվել էին Հունաստանի, ինչպես նաև Ալբանիայի, Բոսնիա և Հերցեգովինայի, Բուլղարիայի, Իտալիայի, Մակեդոնիայի, Լիբիայի, Թուրքիայի և Մալթայի տարածքներում: