Խնդրում ենք սպասել...

Միջազգային

Նիկոլ Փաշինյանի սպասվող հրաժարականի պատճառով ՀԱՊԿ նիստը Երևանից տեղափոխվել է Մոսկվա

10:20, երեքշաբթի, 16 հոկտեմբերի, 2018 թ.
Նիկոլ Փաշինյանի սպասվող հրաժարականի պատճառով ՀԱՊԿ նիստը Երևանից տեղափոխվել է Մոսկվա

Հավաքական անվտանգության պայմանագրի կազմակերպության (ՀԱՊԿ) խորհրդարանական վեհաժողովի նիստը որոշվել է Երևանից տեղափոխել Մոսկվա: Այս մասին լրագրողների հետ զրույցում ասել է ՌԴ Պետդումայի ԱՊՀ գործերով, եվրասիական ինտեգրման և հայրենակիցների հետ կապերի հանձնաժողովի նախագահ Լեոնիդ Կալաշնիկովը, փոխանցում է РИА Новости-ն:

Նիստը կկայանա հոկտեմբերի վերջին: Կալաշնիկովի խոսքով՝ նիստի տեղափոխումը կապված է ՀՀ վարչապետ Նիկոլ Փաշինյանի սպասվող հրաժարականի և ԱԺ լուծարման հետ:

«Հայաստանի խորհրդարանն, ամենայն հավանականությամբ, կկատարի իր պարտականությունները մինչև նոր ընտրությունները: Սակայն եթե ամեն բան ընթանա այնպես, ինչպես մենք ենք ենթադրում, ապա ո՞ւմ հետ ենք անցկացնելու նիստը, ժամանակավոր պաշտոնակատարների՞: Դա անտրամաբանական է և սխալ»,- ասել է Կալաշնիկովը:

6019 | 0
Facebook