ԴԱԻՇ ահաբեկչական խմբավորումն ստանձնել է Լաս Վեգասում իրականացված հրաձգության պատասխանատվությունը, հայտնում է Reuters-ը՝ հղում անելով ահաբեկիչներին մոտ կանգնած լրատվական աղբյուրներին:
Հիշեցնենք, որ հրաձգության հետևանքով ավելի քան 50 մարդ է մահացել: Շուրջ 400 մարդ դիմել է բժիշկների օգնությանը:
Դեպքը տեղի է ունեցել տեղի ժամանակով 22:30-ին, Երևանի ժամանակով՝ 10:30-ին:
Ըստ վերջին տվյալների՝ հրաձգության հեղինակն ինքնասպանություն է գործել: Նա 64-ամյա Սթիվեն Փեդդոքն է եղել: Նրա հետ ապրող կնոջ հանդեպ հետախուզում է հայտարարվել: