Եվրոխորհրդարանի նախագահ Անտոնիո Թայանին հայտարարել է, որ Մեծ Բրիտանիայի` ԵՄ կազմից դուս գալու գործընթացը կարող է հակառակ ընթացք ստանալ, եթե Բրիտանիայում կայանալիք խորհրդարանական արտահերթ ընտրությունների արդյունքում նոր կառավարություն ձևավորվի:
Հիշեցնենք, որ 2016-ի ամռանը բրիտանացիները հանրաքվեի ընթացքում հանդես եկան հօգուտ Brexit-ի: Brexit-ի պաշտոնական գործընթացը մեկնարկել է մարտի 29-ին, երբ Մեծ Բրիտանիայի վարչապետ Թերեզա Մեյը պաշտոնական ծանուցում ուղարկեց ԵՄ ղեկավարությանը: Գործընթացը պետք է ավարտվի 2019-ի մարտին:
Բրիտանիայի խորհրդարանը նախորդ շաբաթ հավանություն է տվել վարչապետ Թերեզա Մեյի` խորհրդարանական արտահերթ ընտրություններ անցկացնելու առաջարկին: Մեյը կարծում է, որ դա հնարավորություն կընձեռնի Եվրոմիության հետ Brexit-ի հարցով բանակցություններին ընդառաջ համախմբել երկիրը: