Նավթն էժանանում է` ԱՄՆ-ում հորատման սարքավորումների աճի ֆոնին
10:40, երկուշաբթի, 17 ապրիլի, 2017 թ.
Աշխատանքային շաբաթվա մեկնարկին նավթի համաշխարհային գներն անկում են գրանցում` կապված Միացյալ Նահանգներում հորատման սարքավորումների թվի ավելացման հետ: Առավոտյան Լոնդոնի էլեկտրոնային բորսայում եվրոպական «Բրենթ» տեսակի նավթի 1 բարելի արժեքը նվազել է 0.84%-ով` հասնելով 55.42 դոլարի: Ամերիկյան նավթի 1 բարելի արժեքը Նյու Յորքի բորսայում նվազել է 0.81%-ով` հասնելով 52.75 դոլարի: