Միջազգային

     Ռուսական գազի գնումները վերականգնելու «Նավթոգազի» պատրաստակամությունը շատ լավ նշան է, որը խոսում է այն մասին, որ Կիևը ձգտում է նորմալացնել հարաբերությունները Մոսկվայի հետ, կարծում է Forbes-ի տեսաբան Քենեթ Ռապոզան: Ըստ վերջինի, դեռ ոչ վաղ անցյալում Կիևը ներկայացնում էր Ռուսաստանին որպես ագրեսոր, որը պատրաստ է բարձրացնել ռուսական դրոշը Ուկրաինայի մայրաքաղաքի վրա: Բայց հիմա ակնհայտ է, որ ուկրաինական խոշոր ընկերություններից մեկը պատրաստ է վերադառնալ Ռուսաստանի հետ համագործակցությանը: «Դա շատ լավ նորություն է: Ռուսաստանի և Ուկրաինայի միջև հարաբերությունների նորմալացումը դրական ազդանշան է, քանի որ այն իր հերթին, ամենայն հավանականությամբ, Ռուսաստանի ամենակարևոր առևտրային գործընկերոջ՝ Եվրոպայի հետ հարաբերությունների նորմալացման միտում կստեղծի»,-նշում է Forbes-ի տեսաբանը: