«Հոկտեմբերի 17-ին` ժամը 17:30-ին կհրապարակեն դատարանի որոշումը, կարող է ընտրությունները անվավեր ճանաչեն»,-
MAMUL.am-ի թղթակցի հետ զրույցում ասաց Սևանի նախկին քաղաքապետ Ռուդիկ Ղուկասյանը: Վերջինը տեղեկացրեց, որ դատական նիստի ընթացքում ցուցադրել են տեսանյութեր այն մասին, թե ինչպես են թեկնածուներից քաղաքապետ ընտրված Սարգիս Մուրադյանի կողմնակիցներն ընտրողներին կաշառք բաժանում: Նշենք, որ դատական նիստի ընթացքում Սարգիս Մուրադյանի պաշտպանը կարծիք է հայտնել, որ բերված ապացույցները բավարար հիմք չեն կարող հանդիսանալ, որպեսզի ընտրությունների արդյունքները չեղարկվեն:
Հիշեցնենք, որ հոկտեմբերի 2-ին Սևանում քաղաքապետի ընտրությունների ժամանակ, Ռուդիկ Ղուկասյանը հայտարարել էր, որ իր հիմնական մրցակից՝ «Սևան» ազգային պարկ» ՊՈԱԿ-ի տնօրենի տեղակալ Սարգիս Մուրադյանը, քաղաքաքացիական հագուստով ոստիկանների ուղեկցությամբ, ընտրակաշառք է բաժանում Սևանում: