Նավթի համաշխարհային գները կարող են հասնել 20 դոլարի, անգամ դրանից ցածր, եթե նավթային շուկայի խոշոր խաղացողներն Ալժիրում սպասվելիք բանակցությունների ընթացքում չկարողանան այդ շուկայում իրենց գործողություների կոորդինացման շուրջ համաձայնության գալ: Այդ մասին հայտնել է Վենեսուելայի Նավթի և հանքարդյունաբերության նախարար Էուլոհիո դել Պինոն, փոխանցում է РБК-ն: «Մենք Սաուդյան Արաբիայի և Իրանի հետ անընդհատ կապի մեջ ենք՝ փորձելով խուսափել գնային աղետից: Եթե մենք համաձայնության չհասնենք, ապա ստիպված ներքաշվելու ենք գնային պատերազմի մեջ, որի արդյունքում գները կարող են նվազել 1 բարելի համար 20 դոլարից»,- ասել է դել Պինոն:
Հիշեցնենք, որ ամենայն հավանականությամբ, վաղն Ալժիրում կկայանա ՕՊԵԿ անդամ երկրների ոչ պաշտոնական հանդիպումը: