Cadillac ընկերությունը ներկայացրել է Escala անվամբ իր նոր կոնցեպտը: Նախատիպը ծառայում է բրենդի ապագա մոդելների դիզայնը ցուցադրելու համար: Բացի այդ, կոնցեպտը Cadillac ապրանքանիշի նոր ֆլագմանի նախանշանակն է հանդիսանում: Չափսերով նորույթը գերազանցում է CT6 սեդանը: Ավտոմեքենան կառուցվել է Omega հարթակի վրա: Կոնցեպտը հագեցվում է 4,2-լիտրանոց բենզինային թվին-տուրբո V8 շարժիչով, որի հզորությունը կազմում է 500 ձիաուժ: Նախատիպը ստանալու է լուսադիոդային օպտիկա և 22-դյույմանոց անվասկավառակներ: Սրահի երեսպատումը ձեռքի աշխատանք է: