Հայաստանում վերջին օրերի աննախադեպ իրադրությունը մեծ զայրույթ և անհանգստություն է առաջացրել ոչ միայն տեղաբնակների և սփյուռքահայության, այլև Հայաստան ժամանած տուրիստների շրջանում: Ասում են, որ ՀՀ ոստիկանությունը և առանց համազգեստի ոստիկանության հովանավորությամբ գործող ջարդարարների խմբերը վայրագությունների ժամանակ ծեծել և բերման են ենթարկել Հայաստան ժամանած մի քանի տուրիստների: Ըստ լուրերի, պարզելով, որ վերջինները տուրիստներ են, բաց են թողել և սպառնացել, որ եթե նրանք այս օրերին դուրս գան իրենց հյուրանոցի տարածքից, կամ նկատվեն մարդաշատ վայրերում, ապա նրանց բերման կենթարկեն և գործ կհարուցեն: Ասում են նաև, որ այս տեղեկատվությունն արագ տարածվել է և բազմաթիվ տուրիստներ դիմել են իրենց երկրների տուրիստական գործակալություններ և պահանջել չեղյալ հայտարարել իրենց՝ նախապես ամրագրած ճանապարհորդությունը դեպի Հայաստան: