Սեյրան Օհանյանն` իր հնարավոր պաշտոնանկության, ՀՕՊ համաձայնագրի և Սամվել Բաբայանի մասին
13:05, չորեքշաբթի, 29 հունիսի, 2016 թ.
Այսօր` հունիսի 29-ին, «Եռաբլուր» զինվորական պանթեոնում` ՀՀ պաշտպանության նախարար Սեյրան Օհանյանից լրագրողները հետաքրքրվել են` հնարավոր է պաշտոնանկ արվի, քանի որ իշխանությունները նրա աշխատանքից դժգոհ են: «Հայաստանի պաշտպանության նախարարը երբեք չի հրաժարվի հայրենիքին իր ծառայությունները մատուցելուց»,- ասել է նախարարը: Նշենք, որ ապրիլյան քառօրյա պատերազմից հետո ակտիվ լուրեր են շրջանառվում, որ ՀՀ պաշտպանության նախարար Սեյրան Օհանյանը պետք է հրաժարական տա: Լրագրողները նաև հետաքրքրվել են, թե արդյոք հայոց բանակում Սամվել Բաբայանի կարիքը կա, Օհանյանը պատասխանել է. «Ամեն մարդ իր կատարածը կատարել է արդեն, ԶՈՒ ղեկավարությունն իր առջև դրված խնդիրները կատարում է և պետք չէ փորձել կողքից խանգարել: Խորհուրդ կտամ մեր ժողովրդին, մեր հասարակությանը, որ ամեն մեկն իր գործով զբաղվի: Բանակի ղեկավարությունը գիտի՝ ինչ անել, որտեղ ինչպես պլանավորում իրականացնել»: Ինչ վերաբերում է ՀՕՊ համաձայնագրին, Սեյրան Օհանյանն ընդգծել է, որ այն թույլ է տալիս ՀՀ տարածքում մեր օդային պաշտպանության խնդիրներում ներառել Ռուսաստանի 4-րդ սերնդի բազմաֆունկցիոնալ կործանիչները, օդա-տիեզերական բոլոր զորքերը: «Մենք հնարավորություն կունենանք լուրջ հետախուզական տվյալներ ունենալ, որոնք ընդհանուր տեղեկատվական դաշտում կլինեն և կկանխարգելեն այն բոլոր խախտումները, որոնք օրինակ, կիրագործեն մեր հակառակորդները: Այս առումով ավելի վստահելի գործընկեր, ինչպիսին Ռուսաստանի Դաշնությունն է, մենք չենք տեսնում»,- ասել է նախարարը: Ի դեպ, ապրիլյան պատերազմի ու հայ-ռուսական հետախուզության մասին երեկ ելույթ էր ունեցել ԱԺ պատգամավոր Նիկոլ Փաշինյանն` ընդգծելով. «Ապրիլյան պատերազմի մեկնարկի օրը մեր հետախուզությունը հարձակման վտանգ ա զեկուցել, ռուսականն ատբոյ ա տվել». Ն. Փաշինյան |
5099 | 1