Փետրվարի 20-ին` Մոսկվա կինոթատրոնում կմեկնարկի Բրիտանական ֆիլմերի 14-րդ փառատոնը: Փառատոնի ընթացքում կինոդիտողը հնարավորություն կունենա դիտելու յոթ ֆիլմ:
Փառատոնի կազմակերպիչների փոխանցմամբ` մայրաքաղաքում ֆիլմերի ցուցադրությունից հետո փառատոնը կշրջի մարզերում: Այս տարի փառատոնային ֆիլմերը կներկայացվեն Ապարանում, Դիլիջանում և Ալավերդիում:
Փառատոնի շրջանակներում կցուցադրվեն բրիտանական ժամանակակից կինոարվեստի լավագույն աշխատանքները: Հանդիսատեսին կներկայացվեն տարբեր ժանրերի ստեղծագործություններ` կատակերգություն, հոգեբանական թրիլլերներ, փաստագրական դրամա և այլն: