Կոստա Ռիայի հյուսիսում գտնվող Վոլկան Թենորիո ազգային պարկով է հոսում Ռիո Սելեստե գետը: Գետի ջրերը զարմանալի վառ կապույտ երանգ ունեն: Գետը գոյանում է 2 ավելի փոքր գետակների` Սորու Կրիկի և Գուդ Վյու Ռիվերի միախառնումից: 2 գետերի ջրերն էլ վճիտ են ու թափանցիկ, բյուրեղյա մաքրության: Բայց իրար միախառնվելուց անմիջապես հետո ջուրը դառնում է վառ կապույտ: Փորձելով գիտական բացատրություն տալ այս երևույթին` մասնագետները մի քանի հիպոթեզ են առաջ քաշել: Բայց, օրինակ` կալցիումի կարբոնատի միացումը հրաբխային մոխրին կամ էլ պղնձի ռեկացիան տարբեր հանքանյութերի հետ վարկածները սխալ են եղել: Միակ ընդունելի վարկածն այն է, որ ջրում գտնվող հանքանյութերն, այս դեպքում՝ ալյումասիլիկատն, արևի լույսի ազդեցության հետևանքով ջրին համապատասխան երանգն են տալիս: