Ռուսաստանի արտգործնախարարությունը հայտարարություն է տարածել Կանադայի վերջին որոշման վերաբերյալ՝ կապված հակառուսական պատժամիջոցների ցանկի ընդլայնման հետ:
«Կանադայի կառավարության՝ ՌԴ դեմ կիրառված պատժամիջոցներն ընդլայնելու որոշումն էլ ավելի բացասական անդրադարձ է ունենալու երկու երկրների՝ առանց այն էլ ոչ այդքան լավ ժամանակներում գտնվող հարաբերությունների վրա»,- նշված է հայտարարության մեջ:
Հիշեցնենք, որ ավելի վաղ Կանադայի կառավարությունը հայտարարել էր ՌԴ դեմ տնտեսական նոր պատժամիջոցներ կիրառելու որոշման մասին: Այս մասին հաղորդվում է երկրի կառավարության կայքում: Նոր որոշման համաձայն՝ Կանադան ընդլայնել էր հակառուսական պատժամիջոցների ցանկն՝ այնտեղ ներառելով ևս 3 քաղաքացու և իրավաբանական 14 անձանց: