«Դիսնեյ» կինոստուդիան հայտարարել է, որ մտադիր է թողարկել «Ռապունցել. խճճված պատմություն» լայնամետրաժ մուլտֆիլմի սերիալային տարբերակը: Այն կներկայացվի 2017 թվականին: Մուլտֆիլիմի սերիալային տարբերակը կհնչյունավորեն դերասաններ Զաքարի Լիվայն ու Մենդի Մուրն, ովքեր հնչյունավորել են նաև լայնամետրաժ մուլտֆիլմը: Սերիալի կոմպոզիտորը կլինի ութակի օսկարակիր Ալեն Մենկելը:
Մուլտֆիլմի հերոսները կլինեն Ռապունցելը, Ֆլինն Ռայդերը, քամելիոն Պասկալը, Մաքսիմուս անունով ձին, «Քաղցր բադիկ» պանդոկի ավազակները, կլինեն նաև նոր կերպարներ:
Սերիալի գործողությունները հիմնված կլինեն լայնամետրաժ մուլտֆիլմի ու 2012-ին ներկայացված «Ռապունցել. հավերժ երջանիկ» կարճամետրաժ մուլտֆիլմի վրա:
«Ռապունցել. խճճված պատմություն» լայնամետրաժ մուլտֆիլմը ներկայացվել է 2010-ին: Դա Գրիմ եղբայրների հեքիաթի նոր տարբերակն է եղել: Մուլտֆիլմի ռեժիսորները Նաթան Գրենոն և Բայրոն Հովարդն են եղել: Վարձույթից ստացած հասույթը կազմել է մոտ 600 միլիոն դոլար, իսկ մուլտֆիլմի բյուջեն կազմել է 260 միլիոն դոլար: Այն «Դիսնեյ»-ի պատմության ամենաթանկարժեք անիմացիոն ստեղծագործություններից մեկն է: