Խորհրդային տարիներին 1 սենյականոց բնակարանը «Մոսկվիչ» ավտոմեքենայից էժան է եղել
 Ավագ սերնդի ներկայացուցիչներն, ովքեր ապրել են խորհրդային ժամանակաշրջնում, հաճախ են սիրում կրկնել, թե այդ տարիներին արևն ավելի պայծառ էր շողում, երշիկն ավելի համեղ էր և որ փողը հերիքում էր ամեն ինչի: Խորհրդային տարիներին գնումներ կարելի էր կատարել անգամ 1 ռուբլով: Կարելի էր գնել 1 բաժակ գազավորված ջուր կամ 1 տուփ լուցկի:  3 կոպեկով կարելի էր տրամվայի տոմս կամ 1 գավաթ կվաս գնել:  10 կոպեկով մարդիկ կարող էին 1 կիլոգրամ կարտոֆիլ գնել կամ մրգային պաղպաղակ համտեսել: 11 կոպեկով էլ հնարավոր էր էսկիմո գնել:  Կաթի կեսլիտրանոց փաթեթն արժեր ընդամենը 16 կոպեկ: Նույնքան արժեր սև հացի 1 բատոնը:  1 տուփ ծխախոտն արժեր 70 կոպեկ:  2,15 ռուբլով հնարավոր էր ծրարի մեջ փաթեթավորված ձայնասկավառակ գնել կամ 2 անգամ սնվել ճաշարանում: Հեռախոսի բաժանարդային վճարն արժեր 1,5 ռուբլի:  Իսկ 4 ռուբլով հնարավոր էր 60 րոպե տևողությամբ ձայներիզ գնել: Նույն գումարով կարելի էր ճաշել ռեստորանում կամ Կրասնոդար-Գելենջիկի ուղղությամբ 1 ավիատոմս գնել:  Խորհրդային տարիներին «Ռուբիկ-կումբիկ»-ը շատ թանկ հաճույք էր` ամբողջ 10 ռուբլի:  «Օրլյոնոկ» մակնիշի հեծանիվը խորհրդային ժամանակներում արժեր 39, իսկ ավելի նորաձև «Սալյուտ» հեծանիվը` 84 ռուբլի:  Մելոմանների երազանք համարվող «Cremon» ակուստիկ կիթառն արժեր 70 ռուբլի:  Խորհրդային բնակարանների պատերի զարդ համարվող ավելի քան 2 մետր երկարություն ունեցող գորգն արժեր 96 ռուբլի:  «Էլեկտրոնիկա 302» ձայնարկիչ ունենալու համար պետք էր վճարել 155 ռուբլի: «Զենիթ» պրոֆեսիոնալ տեսախցիկները 3 անգամ էժան էին ձայնարկիչից:  «Իժ- Պլանետա-3» մոտոցիկլն արժեր 670 ռուբլի, նույնքան արժեր նաև գունավոր լամպային հեռուստացույցը:  70-ականների վերջին «Մոսկվիչ-412» ավտոմեքենան արժեր 5000 ռուբլի, իսկ 1 սենյականոց բնակարանն ավելի էժան` 3-4 հազար ռուբլի:   |
