Դորտմունդի «Բորուսիայի» գլխավոր մարզիչ Յուրգեն Կլոպը հայտարարել է, որ նա և իր սաները դժվարությամբ կկարողանան մոռանալ Բունդեսլիգայի առաջին շրջանում իրենց թիմի ցույց տված արդյունքները։
«Լարվածություն եմ զգում։ Կարծես կարևոր քննությունից առաջ լինեմ։ Այնուամենայնիվ, մենք լավ ենք նախապատրաստվել երկրորդ շրջանին և բավականին առաջադիմել ենք։ Իսկ առաջին շրջանը կկարողանանք մոռանալ միայն հիպնոսի օգնությամբ»,- ասել է Կլոպը։
Հիշեցնենք, որ «Բորուսիան» 17 տուրերի արդյունքում վաստակել է 15 միավոր և մրցաշարային աղյուսակում զբաղեցնում է նախավերջին հորիզոնականը։