ՌԴ նախագահի մամուլի խոսնակ Դմիտրի Պեսկովը հայտարարել է, որ Ուկրաինայում ուկրաինական ճգնաժամի կարգավորման շուրջ երկխոսությունից հրաժարվողների հանդեպ ճնշումներ գործադրելու փոխարեն ավելի է ուժգնանում տնտեսական շանտաժը Ռուսաստանի հանդեպ: Ըստ պեսկովի` Ռուսաստանին նոր պատժամիջոցներով սպառնալը «կարճատես» և ապակառուցողական քայլ է: «Ռուսաստանը երբեք չի համաձայնել նմանօրինակ սպառնալիքների հետ: Այսպիսի սպառնալիքներն ու շանտաժները երբեք էլ չեն հանգեցրել և չեն հանգեցնի նրան, որ Ռուսաստանը փոխի իր հետևողական դիրքորոշումը»,- մասնավորապես ասել է Պեսկովը: