Վրաստանի Բաթումի քաղաքում մեկնարկել է շախմատային 43-րդ օլիմպիադան, որին Հայաստանը ներկայացնում են տղամարդկանց և կանանց հավաքականները։ 1-ին տուրում տղամարդիկ հաղթեցին Ճապոնիայի ընտրանուն, կանայք՝ Ղրղզստանի։
Տղամարդկանց պայքարում հաղթանակներ տոնեցին Հրանտ Մելքումյանը, Ռոբերտ Հովհաննիսյանը և Հայկ Մարտիրոսյանը, Գաբրիել Սարգսյանն իր պարտիան ավարտեց ոչ-ոքի։ Կանանց պայքարում հաղթանակներ տոնեցին Էլինա Դանիելյանը, Աննա Սարգսյանը և Սիրանուշ Ղուկասյանը, Մարիա Կուրսովան ոչ-ոքի խաղաց։