ԱՄՆ-ում սպանվել է իսպանացի գոլֆիստուհի Սելիա Բարքին Արոսամենը։ Ողբերգությունը տեղի է ունեցել Այովա նահանգի Էյմս քաղաքում։ Քաղաքային ոստիկանությունը հայտնում է, որ 22-ամյա մարզուհու մարմինը հայտնաբերվել է գոլֆի դաշտում։ Հետաքննության արդյունքում պարզվել է, որ աղջկա վրա հարձակում է իրականացվել։ Կասկածի տակ է 22-ամյա Քոլին Դենիել Ռիչարդսը։
Նշենք, որ Սելիա Բարքին Արոսամենը Այովայի համալսարանի ուսանողուհի էր։ Նա հաղթել է 2017-ի Եվրոպայի առաջնությունը՝ սիրողների շրջանում։