ԱԺ «Ելք» խմբակցության պատգամավոր Հրաչյա Հակոբյանը ֆեյսբուքյան իր էջում գրել է․
«Եթե ուշադիր լսեք Արթուր Վանեցյանի և Սասուն Խաչատրյանի հեռախոսազրույցը, ապա կտեսնեք, որ այն, ինչի մասին խոսում են այդ պաշտոնյաները, ամբողջությամբ տեղավորվում է օրենքի սահմաններում: Նրանք որևէ անօրինական գործողություն իրականացնելու, ծրագրելու մասին չեն խոսում: Նրանք երկուսն էլ՝ որպես պատասխանատվություն կրող պետական պաշտոնյա իրենց գործն են անում՝ օրենքի սահմաններում: Եվ եթե մի պահ թողնում ենք այն ֆուռորը, որ գաղտնալսել են երկու ամենակարևոր ուժայիններին, ապա կտեսնենք, որ գաղտնալսման բովանդակության մեջ ոչ մի հակաօրինական բան չկա:
Հակաօրինական է նրանց գաղտնալսելը, և Հայաստանի Հանրապետության դեմ այդպիսի դավադրություն իրականացնողները պատժվելու են օրենքի ամբողջ խստությամբ»։