«Կհանդիպեմ, կքննարկեմ, որպեսզի որևէ մեկի մոտ հավելյալ մտավախություն, վախեր չլինեն, բացի օրինականությունից»,- լրագրողների հետ զրույցում անդրադառնալով Արա Բաբլոյանի հայտարարությանը, ասել է ՀՀ վարչապետը: «ՀՀ-ում ժողովուրդը թույլ չի տալու կոռուպցիայի, ապօրինության վերադարձ: Դա չի բխում ՀՀ շահերից ու մտածողության այս վեկտորը ՀՀ-ում չունի որևէ հեռանկար»,- հավելել է նա:
Լրագրողների մյուս հարցին՝ մտահոգություն ունե՞ք Ռոբերտ Քոչարյանի վերադարձից, թե՞ ոչ, պատասխանել է. «Դուք խոսում եք սցենարների մասին, որոնք չեն կարող լինել: Դուրս եկեք փողոց, այդ հարցը մարդկանց տվեք, որոշում կայացնողը ժողովուրդն է»: