Մարտի 24-ին և 27-ին Վազգեն Սարգսյանի անվան «Հանրապետական» մարզադաշտում կայանալիք Հայաստան – Էստոնիա և Հայաստան- լիտվա ընկերական հանդիպումներին ընդառաջ մեր հավաքականի ավագ Հենրիխ Մխիթարյանը խոսեց խաղից իր ակնկալիքների մասին։
«Տրամադրվածությունը թիմում շատ բարձր է: Փորձելու ենք հաղթել այդ խաղերում, չնայած որ այդ լինելու են մարտավարական փոփոխություններ, ֆուտբոլիստների փոփոխություններ, բայց դա ոչ մի կերպ չպետք է ազդի հաղթելու ցանկության վրա։ Կփորձենք ուրախացնել մեր երկրպագուներին»,- Մխիթարյանի խոսքերն է փոխանցում MAMUL.am-ի թղթակիցը։
Խոսելով թիմի նորեկ Նորբերտո Բալեկյանից՝ Մխիթարյանը նշեց․ «Նորբերտո Բալեկյանի մասին շատ լավ կարծիք ունեմ, շատ լավ է մերվում թիմի մարզումներին: Հույս ունենք` խաղերում մեզ մեծ օգուտ կտա»: