Համացանց

Տեղեկատվական անվտանգության փորձագետ Սամվել Մարտիրոսյանը տեղեկացնում է, որ «Ֆեյսբուք» սոցիալական ցանցն սկսել է արգելափակել այն օգտատերերին, ովքեր օգտագործում են «ազեռ» տառերի համադրությունը: «Ադրբեջանցիների հետ գրվելով ֆեյսում՝ խուսափեք «ա զ ե ռ» տառեր պարունակող չորս տառանոց բառից։ Ֆեյսի ֆիլտրերն ավտոմատ բռնացնում են ու բլոկում էդ բառը կիրառելու համար, նույնիսկ՝ մեկնաբանություններում: Վատն այն է, որ նույնիսկ մի քանի տարվա մեկնաբանություններում են ռոբոտները փնտրում։ Եթե հիշում եք, որտեղ եք նման մեկնաբանություն թողել ֊ ինչը գրեթե անհնարին ա ֊ բայց եթե հա, գտեք ու ջնջեք։ Նույնը վերաբերում է այլ ազգերի վերաբերյալ նվաստացնող մականուններին։ Էս վերջին ամսվա մեջ մենակ ես տասնյակ զոհերի գիտեմ հենց սրա պատճառով։ Իսկ եթե բլոկ քցեց, նորը գերադասելի է չբացել, սպասեք, մինչև արգելանքի տակից դուրս գաք»,- գրել է մեդիափորձագետը: