Այսօր կայացած Հայաստանի կանանց շախմատի առաջնության 8-րդ տուրում մրցաշարի միանձնյա առաջատար Մարիա Կուրսովան հաղթանակ տոնեց երկրորդ հորիզոնականում ընթացող Աննա Սարգսյանի նկատմամբ և, մրցաշարի ավարտից մեկ տուր առաջ, միանգամից 2 միավորով առաջ անցնելով մոտակա մրցակիցներից, հռչակվեց 2018 թվականի Հայաստանի կանանց չեմպիոն: Հայաստանի կանանց չեմպիոնի կոչումը Կուրսովան նվաճում է 2-րդ անգամ: Շախմատիստուհին նման հաջողության առաջին անգամ հասել էր 2012 թվականին:
Տուրի մյուս պարտիաների արդյունքները՝
Գևորգյան Մարիա – Գալոյան Լիլիթ՝ 1։0
Խաչատրյան Աննա – Ասատրյան Սոնա՝ 1/2։1/2
Առաքելյան Նարե – Գաբոյան Սուսաննա՝ 0։1
Մկրտչյան Մարիամ – Ղուկասյան Սիրանուշ՝ 0։1