Սի Ցզինպինի ղեկավարած կառավարության կողմից իրականացվող հակակոռուպցիոն լայնածավալ գործողությունների ընթացքում 2013 թվականից ի վեր Չինաստանում պատժի է ենթարկվել տարբեր տրամաչափի շուրջ 1,3 միլիոն կաշառակեր պետպաշտոնյա: Ընդհանուր առմամբ՝ վերջին 5 տարում ստուգումներ են իրականացվել մոտ 155 հազար կուսակցական կազմակերպություններում, ինչը կազմում է կուսակցական բոլոր կառույցների 95%ը:
Հարկ է նշել, որ «Վագրերի և ճանճերի ռազմավարություն» անունն ստացած հակակոռուպցիոն պայքարն սկսվել է, երբ Սի Ցզինպինն զբաղեցրել է ՉԺՀ-ի նախագահի և Չինաստանի կոմունիստական կուսակցության կենտրոնական կոմիտեի գլխավոր քարտուղարի պաշտոնը: